cassel – cocktail

«Aber, was wotsch, was isch das aus gsi iz
numenes Cocktailschirmli ime blasse Drink
i ha gmeint, du gisch meh aus charmanti Art
chum mit mir, chum bitte, bitte, d’Nacht isch no lang!»

Runde1
Iha doch nume wöue säge, «chum mir trinke no eis»
und nid bemerkt und nid checkt: si wot meh aus so Cocktails
ig ha gmeint, si gniesst die unterhaltig
da isch emau e typ wo ihres innere wahrnimmt
wo nid nume Ouge het für geils Jupe und Arsch drin
nume ihri Forme und ihres Parfum scharf fingt
Und i bemerkes gar nid
bi totau in fahrt und gniessä üsi Art
wie mir zäme redä über üsi Sehnsücht und züg
und mir näme no grad eine und trinke uf üs
Während für mi die ungerhaltig mini Wuche rettet
isch si mit ihrne Gedanke scho mit mir i ihrem Bett in
I merkes nid, mi Cocktail isch läär
mir wärde müed, u sowiso isch scho spät
Mir stöh uf, während ig due üsi Drinks zahle
bedanke i mi bi ihre für dä gmüetlechi Abe

Runde2
eni hätt gwüsst, dass si meh aus e Fründschaft wet
hätt ig zu 100% nid no komplimänt vürteilt
Hätt ig nid jedesmau gseit, dass ig ihri Awäseheit
ihri Art wie si redt jedesmau z’schetzä weiss
Viellech bini blöd und naiv doch i checkes o nid
das si übertribe lacht ab jedem witz vo mir
Und ig ha gschetzt, dass si mi humor mit mir teilt
ig ha gmeint, dass ig sone bsundrige heig
und ersch iz, wo si ihre arm um mi leit
und mir seit, dass si uf de bart vo mir steit
sägi «hey, nume sone frag hesch du gmeint
das iz das, wo mir a däm abe da hei, sig es date
wöuis äbe gar nid so gseh», si «okay
was hesch den du z’gfüehl du sigsch geil?»
hout mir eis, nimmt ihri täsche und geit
und aus wo no blibt si mi schmärze und de cocktail