cassel – läbe no biz

Ig BI GSPANNT, WAS DAS LÄBE NO GIT
BI GSPANNT DRUF, WO‘S MI HÄRE TRIBT
BI ENTSPANNT, DA MI GOTT ÜBER Z’LÄBE BESTIMMT
NO KES UPGRADE ZU IHM, AUSO LÄBI NO BIZ

Runde1
Z’Läbe isch so churz wiene Zündschnuer bim Frouefurz
z’Läbe isch e Shot, s’isch scho wäg nimmsch e toue Schluck
Gli bisch rostig und aut wie‘ne VW-BUS
Di Rügge geit langsam kaputt, und di Häx isch ke Schuss (meh)
bis dert häre schrib ig mini Text
mache Rap, mach uf Hert, blibe weich hiä
blib im Bett, luege Netflix, und flex chly
damit ig, wenn mi z‘läbe wieder stresst, gnue relaxed bi
Zum abefahre rouch ig nid e J, nei zu J zu däm bätt ig
lieber hängi‘s ab mit ihm, aus hange blibe im Gedächtnis
Mini Värse mache mi vürwundbar wie Achilles
aber gah mi Wäg und stah zu jedem Wort wo ig ha gschribe
Flügi wieder emau vome z’höche Ross abä
ha ig uf z’faltsche Pferd gsetzt, doch ha glernt z’falle
Lieber flüg ig 1x meh als das dr Stolz mi regiert
wöu ig weiss, dass aues hiä zu Äsche und Stoub wird

Runde2
Ig bi glücklech und schetzä mini Läbensqualität
liebe Pizza, es Bier und e Film uf mim iMac
FIFA und Championsleague und no zyt ha
für Fründe, Familie, s’geit nüt über Fründschaft
Ig liebe Rote, doch hasse Blau si
Ig liebe Gott über aues, dass das mau klar isch
ke Fahne im Wind, wo nur im Wind fahrt ufnimmt
haut mi nid Still, ig haute d’Fahne im Wind
lueg, ig haut nid viu, vo negative Stimme
Wär schwarz malä wot, findet immer Tinte
Findet immer irgendwas woner cha schimpfä
ig lah mi nid abezieh, blibe ufgstellt wie‘ne Stammspieler
ig schänk dir mis Ohr, schänke dir g’öhr
wöu ungerächtigkeit mi stört, ig mir wünsch dass es hört
kämpfe immer wieder gäge mini Glichgültigkeit
wöu ig weiss, dass’ im Läbe nur bedingt um mi geit

Runde3
Ig bruch nid Platin und Gold aus es Statussymbol
Bruch ke Macht und Erfolg, ha kei Allüre-Symptom
o kes Arsch-si-Syndrom, bruch‘ nid blingbling und glanz
Nahrigschötti geit um Läbe, nid um Schmuck ume Hals
Für üses Läbe stärbe Mönsche uf dr Ärdchuglä
Du seisch im Ärnst, Giiiz isch Geil, Doch für wär Junge
Ig wot nid nume ume irre, bis ig unger ume ligä
isch hoffnig nüme umä, bring ig hoffnig inä