cassel – szenä ir bar

Bitte bring mir die Rächnig, Ig möcht izä zahle
Zwöi Drinks und e Tat, und dr Räste chasch bhalte
Ig zahle in bar und dr priis isch egal
ig möchte gah, wöu ig da nüme lenger si cha

Runde1
I nime Platz ire Bar
E Bacardi ohni Iis, bitte bis nid giizig mit Alk
füll mir das Glas, bitte fülls bis a Rand
bitte zünftig, en masse, i wots gspüre vürdammt
Lähne mi zrügg, gloube nid was grad passiert isch
riibä bartstoplä, wo sit tage nid rasiert si
A mine Chleider isch Bluet, und ig schwitzä
mit Atem isch schwär, no schwärer fauts mir ruhig z’sitzä
Mi Blick schweift vo mim Getränk zur Band
wo ab dr Bühni fiini Kläng verbreitet
i nimese nur schwär zur Kenntnis, i Gedanke gfesslet
nippe am Glas wo Lippestift no dr Gast vor mir zeichnet
vürusse herrscht e sältsam düsteri Stimmig
es isch dunkel worde u ds mitte im Tag in
Immer wieder blitzä szene i mim Chopf uf
gseh mi zuestäche, gseh schmärz, u wie er mi aluegt

Runde2
d’Chälnerin fragt, öb ig no eine mah
i luege mis lääre Glas a, u gibere z’vürstah
dass ig gnue a däm ha, erzwungnigs lächle so fautsch
wie mi Tat, wo ig vor paar Stung no ha begangä kah
Doch o dr Alkohol, erfüllt nur halb sini Ufgab
so isch mi Durst wäg, doch mis Gwüsse no voll da
Ig wüsche schweiss vo mir Stirnä
merkä dass ig vom Barkeeper gmusteret wirdä
und d’musig wird wilder, i mir si tuusig gedanke
verwirrig und bilder wo sich i mim chopf festchlammere
Är wot nid stärbe, doch si wei im d’Chnöi nid bräche
zum abcheckä säge si, dass ig söu i d’Site stäche
mi helm wo ufem stuehl näbe mir ligt
het fläcke vom bluet, u schweiss wo ab dr stirn fliesst
U weiss Gott, was mit mir ize isch
i weiss nur dass ig weiss, dass mi mis Gwüsse uffrisst