cassel – xtra meile

für di gah ig die xtra meile

Runde1
gib mir e beat, und ig nime grad platz
gib mir no zyt, und ig schribä dir es lied ime tag
gib mir es mik, und i nimes i d’hand
gib mir e ougeblick zyt und e platz und ig rockä die stadt
Und das Volk das wird tobä, und nickä im Takt
ig widme die Show dir, wo‘s müglech het gmacht
und ig schüttle aus ab, und ig schwitzä ir Nacht
wöu Gedanke mi bsitze vo Songs wo ig mach
so viu zyt woni zahle us liebi zur Sach
so viu Haar si scho wäg, so viu Faute scho da
so viu Zyt investiert, so viu Partys vürpasst
so viu niid ignoriert, so viu Hass wo ig satt ha
und glich blibt dr triib, immer witer zu dir
immer witer und meh, wieder schittere
wieder e Schritt witer, und wieder e bitz gschiider
für di machi dä shit, nid für mi, höre nid uf und loufe witer

Runde2
gib mir e grund, und ig höre grad uf
Gib mir e Stund, ig bi ruhig und ig losä dir zue
Gib mir e Song, und es Topic, E Troum vome Tophit
ha Gloube und Hoffnig, Erfolg isch nid Trophy‘s
Erfolg isch nid Profit, Erfolg isch e folg
vome Volk, wo sich vou i dine Songs wieder fingt
ig folge und bring‘s, vo mir seel i mis hirn
vo mim hirn uf papier und schlussendlech zu dir
Und ig starte das Ding, wöu ig gloube ig söu
so viu Mönsche si blind, folge ihm bis i d’Höu
Und ig folge dir blind, wöu ig gloube a di
vürtrou dire Stimm, weisch dr himmu mis ziel
gisch mir e Sinn, Musig ab Seele
ig bruche di tuusig mau meh aus ig meine
probieres z’verpacke i vürschiedene theme
du weisch für di ga ig die xtra meile

Runde3
Gib mir e Bar, bitte gib mir chly Zyt
Gib mir es Jahr, ig fah a und ig mixe dir Drinks
Gib es Ja für die Sach, ig lah aus hinger mir
vürfouge dä Troum bis er Würklechkeit wird
Ha es Bild vor mir und uf das schaff ig hii
vo de Bar zume Star, und dä Star bi nid ig
mixe nume mini Drinks und schrib uf was ig gseh
Mache Rap nid mit Chopf, ig mach Rap ab dr Seel
Und wenn’s dir nid passt, Ha mit däm ke Problem
Den wünsch dir viu Spass mitem Bligg oder Stress
Ig ha Tröim und für die gah ig xtra Meile
bi überzügt, dass du mir die uf z’härz hesch gleit
Und ig wirde e Blick zrügg näh, und blicke zrügg
wirde froh si ha ig nie ufghört z’schaffe für ds
nime e Blick. Erhasche es Bild
und bi dankbar bi ig immer witer gloffe uf das Ziel hii