cassel – usklang

DE KLANG VO DE GLESER, Z’RISLÄ VOM CAFE DE PARIS
ES STRAHLE VO GSICHTER, UND WAS FÜRNE MELODY
CHAS NID ERKLÄRE, ES BLIBT E ERINNERIG

Runde1
Ig nime no e Schluck, nime d’jagge vom Stuehl
vürschwinde usem Lärm i die Nacht, i die Rueh
ig Lueg uf mini Uhr, es isch spät lis ig druf
doch Müedigkeit isch färn, z’viu Gedanke im Chopf
Au die Bilder, au dä Lärm, au die Gspräch und die Wort
aui Grüsch, au die Gsäng, au die Kläng i mim Ohr
au Bilder, die mängi vo Farb für mis Oug
au die Düft, aui Gschmäck, wo mir entgäge si cho
Es isch stiu, doch i mir isches luut
Ig dänke a so viu, dänke wo bisch iz du
vor mir louft e Film, i mim Chopfkino
u Musig spielt no wie Wild, unufhörbar im Ohr
Und ig liebe das Gfüehl uf dr Huut und im Buch
kennsch wenn aues stimmt, aus isch easy und cool
Jogge dür die Nacht, z’viu Hormon i mim Bluet
folge dere Chraft und Fröid wo tief us mir chunt

Runde1
Strasse die si läär, mini Stadt isch im Bett
wo süsch aues läbt, isch iz keis Läbe meh
wo süsch aues dräit und sich aues bewegt
isch uf z’mau aues wäg, aus wär d’wäut zämekeit
I mir si so viu Iidrück, i würd‘se gärn teile
I füehle wieder Glück und füehle die Freiheit
Mis Lache isch Zrügg und d‘Phase vürgangheit
stah vor mire Tür, es isch Zyt für mis Bett
Schliesse d’Ouge, doch Schlafä nid ii
mi Geist dä isch wach und laht mi nid zieh
treit mi dür d’Nacht, es schlaht scho bald vier
Fleisch ds isch schwach, ligt eifach nur hiä
Szenä ir Bar louft nomau vor mir ab
überau nimm ig Grüsch und Wortwächsu wahr
und uf z’mau vürliere Düft ihre Gruch und Kläng ihre Klang
sowie Bilder a Farb und vürschwinde im Schlaf